Ռուսաստանի առաջնության 19-րդ տուրում կայացել է «Սպարտակ» – «Ռոստով» հանդիպումը, որն ավարտվել է 1:4 հաշվով: Խաղի լավագույն ֆուտբոլիստ է ճանաչվել հյուրերի կիսապաշտպան Խորեն Բայրամյանը: Հայ խաղացողը դարձել է  գոլային փոխանցման  հեղինակ: Մրցավեճից հետո Բայրամյանը ստացել է մրցանակը:

Շոտլանդիայում կայացավ Լիգայի գավաթի եզրափակիչը, որտեղ «Սելթիկը» մրցեց «Ռեյնջերսի» հետ: Խաղն ավարտվեց «Սելթիկի» նվազագույն հաշվով հաղթանակով: Խաղի միակ գնդակը 60-րդ րոպեին խփեց «կելտերի» պաշտպան Քրիստոֆեր Ժուլյենը: Սա «Սելթիկի» ողջ պատմության 19-րդ գավաթն էր այս մրցաշարում: Նրանք այս մրցանակին տիրանում են 4-րդ տարին անընդմեջ:

«Ռոստովը» տեսանյութ է հրապարակել թիմի հանդերձարանից, որտեղ տոնել են Մոսկվայի «Սպարտակի» նկատմամբ 4:1 հաշվով հաղթանակը: Հանդերձարանում Խորեն Բայրամյանը և Իվելին Պոպովը պարել են Սուպեր Սաքոյի ու Սպիտակցի հայկոյի «Մի գնա» երգի ֆոնին: Տեսանյութ`https://www.facebook.com/fcrostov/videos/2832577523420946/https

Լոնդոնում անցկացված Grand Chess Tour-ի եզրափակիչ փուլում հայկական շախմատի առաջատար Լևոն Արոնյանը գրավեց չորրորդ տեղը։ Երրորդ տեղի համար պայքարում հայ գրոսմայստերը պարտվեց աշխարհի չեմպիոն, նորվեգացի Մագնուս Կարլսենին։ Երկու դասական պարտիաներում Լեւոն Արոնյանը առաջինում պարտվել էր, երկրորդում ոչ ոքի խաղացել։ Արագ շախմատում Արոնյանը տարել է մեկ հաղթանակ, կրել մեկ պարտություն, կայծակնային խաղում տարել մեկ հաղթանակ, կրել մեկ պարտություն, երկու պարտիա ավարտել ոչ ոքի։ Կարլսենը եզրափակիչ փուլում 28 հնարավորից վաստակեց 17 միավոր, Արոնյանը՝ 11 միավոր։ Grand Chess Tour-ի հաղթողի կոչումը նվաճեց չինացի Դին Լիրենը, որն առավելության հասավ ֆրանսիացի Մաքսիմ Վաշյե-Լագրավի նկատմամբ։

Այսօր՝ դեկտեմբերի 8-ին, ոստիկանությունը ձերբակալել է ԱՊԼ-ի 16-րդ տուրի՝ «Մանչեսթեր Սիթի» - «Մանչեսթեր Յունայթեդ» (1-2) խաղում ռասիստական պահվածք դրսևորած տղամարդուն: Այս մասին հայտնում է Sky Sports-ը: Միջադեպը տեղի է ունեցել հանդիպման երկրորդ խաղակեսում, երբ «կարմիր սատանաների» կիսապաշտպան Ֆրեդը տրիբունայի մոտ էր: «Քաղաքայինների» երկրպագուն բրազիլացի ֆուտբոլիստի առաջ կապիկի կերպարանք էր պատկերել, ինչպես նաև կենդանու ձայներ էր արձակում: Խաղից հետո Kick it Out կազմակերպությունը, որը պայքարում է ֆուտբոլում ռասիզմի դեմ, դիմել է երկու ակումբներին: Ավելի ուշ «Մանչեսթեր Սիթին» հայտարարությամբ հանդես եկավ, որում դատապարտել է ֆանատի գործողությունները: «Քաղաքայինները» նաև խոստացել են ցմահ արգելել նրան ներկա լինել խաղերին:

Մյունխենի «Բավարիայի» նախկին գլխավոր մարզիչ Նիկո Կովաչը կարող է տեղափոխվել Անգլիայի Պրեմիեր լիգա՝ գլխավորելով Լոնդոնի «Արսենալը»։ Ինչպես տեղեկացնում է Goal.com-ը, խորվաթ մասնագետը երկուշաբթի օրը ներկա է լինելու Լոնդոնում կայանալիք «Վեսթ Հեմ» – «Արսենալ» հանդիպմանը։ Հատկանշական է, որ «զինագործների» կողմից առայժմ հետաքրքրվածություն չկա, սակայն ինքը՝ Կովաչը պատրաստ է գլխավորել «Արսենալը»։ Ունայ Էմերիի հեռացումից հետո հյուսիսլոնդոնցիների ղեկը ստանձնել է Ֆրեդրիկ Յունբերգը, ում գլխավորությամբ «Արսենալը» երկու խաղում 1 միավոր է վաստակել։

Ռուսաստանի առաջնության 19-րդ տուրում «Ռոստովը» հյուրընկալվել է «Սպարտակին» և 4:1 հաշվով տպավորիչ հաղթանակի հասել: 83-րդ րոպեին գոլային փոխանցման հեղինակ է դարձել հյուրերի կիսապաշտպան Խորեն Բայրամյանը: Ավելի վաղ աչքի էր ընկել «Միկայի» նախկին պաշտպան Դմիտրի Չիստյակովը: Վալերի Կարպինի գլխավորած թիմը վաստակել է 34 միավոր և բարձրացել երրորդ տեղ: Սպարտակը 22 միավորով 10-րդն է:

«Ուրալի» և Հայաստանի հավաքականի պաշտպան Վարազդատ Հարոյանը խոսել է «Կռիլյա Սովետովի» նկատմամբ հաղթանակի մասին (2:3). «Այսօր դժվար խաղ էր: Ուրախ ենք, որ տարվա վերջին կարողացանք երեք միավոր վաստակել: Կարևոր հաղթանակ էր: Այսօր ներդրեցինք մեր բոլոր ուժերը ու արժանի հաղթանակ տարանք: Իմ գոլային փոխանցո՞ւմը, մենք դա փորձարկում ենք մարզումների ժամանակ: Գիտեի, որ գնդակը գալու է հենց այդտեղ ու ես պետք է մոտակա դարպասաձողի մոտ լինեի, հաղթեի օդային պայքարում ու գնդակը փոխանցեի թիմակիցներիս: Ցանկանում եմ նշել Պավել Պոգրեբնյակին, նա այսօր հիանալի խաղաց: Ամեն ինչ ստացվում էր նրա մոտ: Բոլորս ուրախ ենք նրա համար, Պոգրեբնյակն արժանի էր այս դուբլին»,- Հարոյանի խոսքը մեջբերում է Sport24-ը:

«Բետիսի» կիսապաշտպան Խուակին Սանչեսը դարձավ Լա Լիգայի պատմության ամենատարեց ֆուտբոլիստը, որը հեթ-տրիկ է ձևակերպում: Իսպանիայի Լա Լիգայի 16-րդ տուրում Խուակինը երեք գնդակ է ուղարկել «Ատլետիկի» դարպասը (3:2): Իսպանացին այս ցուցանիշին հասավ 38 տարեկան 140 օրական հասակում: «Բետիսի» ֆուտբոլիստը գերազանցեց «Ռեալի» լեգենդար նախկին ֆուտբոլիստ Ալֆրեդո դի Ստեֆանոյի ռեկորդը, որը 1964 թվականին դարձել էր հեթ-տրիկի հեղինակ 37 տարեկան 255 օրական հասակում

Չեմպիոնների լիգայի խմբային փուլի վերջին տուրում «Բարսելոնան» հյուրընկալվելու է «Ինտերին»: Calciomercato-ն գրում է, որ կատալոնացիների կազմում հանդիպումը կարող է բաց թողնել Լիոնել Մեսսին: «Կապտանռնագույնների» գլխավոր մարզիչ Էռնեստո Վալվերդեն մտադիր է հանգստի հնարավորություն տալ իր առաջատարին, քանի որ թիմն արդեն ապահովել է իր տեղը փլեյ-օֆֆում: Լա Լիգայում առջևում «Բարսելոնային» կարևոր հանդիպումներն են սպասվում, այդ թվում տնային հանդիպում «Ռեալի» հետ:

Ռուսական «Սոչին» նոր գլխավոր մարզիչ ունի: Ակումբի գլխավոր տնօրեն Դմիտրի Ռուբաշկոն հայտնել է, որ թիմի նոր գլխավոր մարզիչն է Վլադիմիր Ֆեդոտովը: Նա վերջերս էր լքել «Օրենբուրգը»:  «Ֆեդոտովը ներկայացվել է որպես թիմի նոր գլխավոր մարզիչ: Պայմանագիրը նախատեսված է 2.5 տարով»,-  Ռուբաշկոյի խոսքը մեջբերում է РИА Новости-ն: Հիշեցնենք, որ «Սոչիի» գլխավոր մարզչի ժամանակավոր պարտականությունները կատարում էր Ռոման Բերեզովսկին: Թիմի կազմում է հանդես գալիս նաև Հայաստանի հավաքականի հարձակվող Ալեքսանդր Կարապետյանը:

Մադրիդի «Ռեալի» ֆուտբոլիստներն ամանորյան ընթրիք են կազմակերպել Մադրիդի ռեստորաններից մեկում: Ընթրիքի ժամանակ խաղացողները փոխանակվել են նվերներով: Ամենահետաքրքիրը եղել է Գարեթ Բեյլի նվերը: Թիմի պաշտպան Մարսելոն նրան նվիրել է գոլֆի մական: Ուելսցին այն հումորով է ընդունել: Լուկա Յովիչը նվեր է ստացել իսպաներենի բառարան, քանի որ բավականին դժվարություններ ունի իսպաներեն սովորելու հարցում: Կիսապաշտպաններ Բրահիմ Դիասն ու Վինիսիուս Ժունիորը նվեր են ստացել խաղալիքներ, Ֆերլան Մենդին՝ աղյուս: Ըստ AS՝-ի Բեյլն ընթրիքը լքել է բոլորից կես ժամ շուտ: Կարիմ Բենզեման ու Տոնի Կրոսն էլ չեն ժամանել խնջույքին:

Ուկրաինայի առաջնության 17-րդ տուրում Եղիշե Մելիքյանի գլխավորած «Լվովը» հյուրընկալվել է «Մարիուպոլին»: Գրանցվել է ոչ-ոքի 0:0: Հյուրերը խաղային առավելություն են ունեցել, սակայն կարմիր քարտի պատճառով 48-րդ րոպեից մնացել են 10 ֆուտբոլիստով: 65-րդ րոպեից տանտերերը նույնպես կարմիր քարտ են ստացել, սակայն հաշվի վրա դա ազդեցություն չի ունեցել: Մելիքյանի թիմը 12 միավորով բարձրացել է 12-րդ տեղ: «Լվովը» մեկ միավորով է առաջ վերջին հորիզոնականները (13-14) զբաղեցնող թիմերից:

Անգլիայի Պրեմիեր լիգայի 16-րդ տուրում «Լեսթերը» հյուրընկալվելիս հաղթանակի հասավ «Ասթոն Վիլայի» նկատմամբ 4-1 հաշվով: Այս խաղում հերթական անգամ աչքի ընկավ «աղվեսների» հարձակվող Ջեյմի Վարդին: Անգլիացի ֆուտբոլիստը գոլի հեղինակ է դառնում 8-րդ խաղն անընդմեջ: Այսպիսի նվաճման են հասել ընդամենը 3 ֆուտբոլիստ`  Ռուդ վան Նիստելռոյը, Դանիել Սթարիջը և նույն Վարդին:  Վարդին այս ցուցանիշով նաև ռեկորդակիր է, երբ 2015/16(«Լեսթերի» չեմպիոնական) մրցաշրջանում  11 խաղ անընդմեջ դարձավ գոլի հեղինակ: Այժմ 32-ամյա հարձակվողը 16 գոլով գլխավորում է Պրեմիեր լիգայի ռմբարկուների ցուցակը` 5 գոլ ավելին, քան երկրորդ հորիզոնականում ընթացող Տամի Աբրահամի արդյունքը:

Անգլիայի առաջնության 16-րդ տուրում «Լեսթեր Սիթին» հյուրընկալվեց «Աստոն Վիլային»։ Հյուսիսիռլանդացի Բրենդան Ռոջերսի գլխավորած թիմն առավելության հասավ 4։1 հաշվով։ Դուբլի հեղինակ դարձավ «Լեսթերի» անգլիացի հարձակվող Ջեյմի Վարդին։ «Լեսթերը» 38 միավորով երկրորդ տեղում է եւ արդեն 6 միավորի առավելություն ունի երրորդ տեղում ընթացող չեմպիոն «Մանչեսթեր Սիթիի» նկատմամբ։ Առաջատար «Լիվերպուլը» վաստակել է 46 միավոր։ «Աստոն Վիլան» 15 միավորով 18-րդ տեղում է։ Անգլիայի առաջնություն, 16-րդ տուր «Աստոն Վիլա» - «Լեսթեր Սիթի»՝ 1։4 (տեսանյութ)